जाजरकोटको भेरी नगरपालिकामा नेकपा एमाले विजयी भएको छ। एमालेका चन्द्रप्रकाश घर्ती भेरी नगरपालिकाको मेयरमा निर्वाचित भएका छन्।
निर्वाचित घर्तीले ४ हजार ८४२ मत ल्याएका छन्।
उनका प्रतिद्वन्द्वी कांग्रेस–माओवादी गठबन्धनबाट उम्मेदवार माओवादीका गगनबहादुर खड्काले ३ हजार ९६३ मत ल्याएका छन्।
नेकपा एकीकृत समाजवादीका उम्मेदवार कमानबहादुर खड्काले ३ हजार ५५९ मत ल्याएका छन्।
उपमेयरमा भने नेपाली कांग्रेसकी सीता जैसी निर्वाचित भएकी छन्। उनले ५ हजार ९८५ मत ल्याएकी छन् भने गठबन्धनबाट माओवादीकी सावित्री चन्दले ५ हजार १७२ मत ल्याएकी छन्।
यसअघि २०७४ को निर्वाचनमा भेरीमा मेयर र उपमेयर दुवैमा एमालेले जितेको थियो।
