डोल्पाको त्रिपुरासुन्दरी नगरपालिकाको मेयरमा र उपमेयरमा नेकपा एमाले विजयी भएको छ।
मेयरमा एमालेका जन चन्द्र रोकाया २ हजार २०४ मत ल्याएर विजयी भएका छन्।
नेपाली कांग्रेसबाट मेयरका उम्मेदवार चन्द्रलाल धरालाले १ हजार ५९६ मत ल्याएका छन्। माओवादीका उम्मेदवार दिलबहादुर विष्टले १ हजार ४२२ मत ल्याएका छन्।
उपमेयरमा एमालेकी देवी घर्तीले १ हजार ८५६ मत ल्याएर विजयी भएकी छन्। उपमेयरमा माओवादी केन्द्रकी उम्मेदवार काली चलाउनेले १ हजार २९० मत ल्याएकी छन्।
२०७४ को स्थानीय तह निर्वाचनमा त्रिपुरासुन्दरीमा एमाले नै निर्वाचित भएको थियो।
