मोरङको केराबारी गाउँपालिकाको अध्यक्षमा नेकपा एमालेका सुमन मिरिङचिङ मगर विजयी भएका छन्। मगर ७८१० मत ल्याएर विजयी भएका हुन्।
उनका निकटम प्रतिद्वन्द्वी नेपाली कांग्रेसका रोहितबहादुर कार्कीले ६३९० मत ल्याएका छन्।
यस्तै माओवादी केन्द्रका तिलककुमार थापा २१२० मतसहित तेस्रो स्थानमा छन्।
उपाध्यक्षमा भने एमालेकी मनमाया मगर चुनिएकी छन्।
उनी ७२६७ मत ल्याएर विजयी भएकी हुन्।
यसअघिको निर्वाचनमा भने कांग्रेसका यसपालि पराजित भएका रोहितबहादुर कार्की विजयी भएका थिए।
उनले कांग्रेसका नविन थापा मगरलाई हराएका थिए।
