भरतपुर महानगरपालिकाको मेयरमा माओवादी केन्द्रकी रेनु दाहालले अग्रता बढाएकी छन्।
रेनुले ९९२४ मत पाउँदा एमालेको विजय सुवेदीले ८२४० मत प्राप्त गरेका छन्। उनीहरूबीच १६८४ मतको मतान्तर रहेको छ।
यस्तै, स्वतन्त्र उम्मेदवार जगन्नाथ पौडेलको ४४८८ मत रहेको छ। उनी कांग्रेसका बागी उम्मेदवार हुन्।
उपमेयरमा भने कांग्रेसका चित्रसेन अधिकारीले ११९२० मत पाएका छन्। उनका प्रतिस्पर्धी राप्रपाकी हिमला गुरुङले ६७२२ मत प्राप्त गरेकी छन्।
अहिले भरतपुरको वडा नम्बर ६ को मतगणा भइरहेको छ।
वडाध्यक्षमा कांग्रेसका कृष्णलाल श्रेष्ठ २६८३ मतसहित अगाडि छन्। उनलाई एमालेका डोल नारायण अधिकारीले २०७४ मतसहित पछ्याइरहेका छन्।
अहिलेसम्म २७२६७ मत गणना भइसकेको छ।
