जुम्लाको चन्दननाथ नगरपालिकाको मेयरमा स्वतन्त्र उम्मेदवार राजु सिंह कठायत विजयी भएका छन्। नेपाली कांग्रेसका उम्मेदवार पदमबहादुर शाहीलाई ८१ मतले पछि पार्दै उनी मेयरमा विजयी भएका हुन्।
कठायतले २ हजार ४०३ मत प्राप्त गरेका छन् भने प्रतिद्वन्द्वी शाहीले २ हजार ३०२ मत पाएका छन्।
एमालेबाट उम्मेदवार धर्मेन्द्र रोकायाले १ हजार ५७० र माओवादीका जीवनबहादुर बुढाथापाले १ हजार ४२६ मत पाएका छन्।
चन्दननाथको उपमेयरमा नेपाली कांग्रेसकी रामदेवी खड्का निर्वाचित भएकी छन्। उनले २ हजार ७७६ मत ल्याएकी छन्।
प्रतिद्वन्द्वी एकीकृत समाजवादीका भिमबहादुर थापाले १ हजार ६७६ मत र माओवादीका पूर्णिमा कामीले १ हजार ६३३ मत पाएकी छन्।
