सिन्धुपाल्चोकको पाँचपोखरी थाङपाल गाउँपालिकाको अध्यक्ष र उपाध्यक्षमा नेकपा एमाले विजयी भएको छ।
अध्यक्षमा नेकपा एमालेका टासी लामाले ५६०८ मत ल्याउँदै जित हात पारेका छन्। उनले नेकपा माओवादी केन्द्रका दोर्जे तामाङलाई पराजित गरेका हुन्। दोर्जेले ४०४५ मत प्राप्त गरे। पाँचपोखरी थाङपाङपालमा माओवादी केन्द्र र नेपाली कांग्रेसबीच गठबन्धन भएको थियो।
त्यस्तै एमालेमा नेकपा एमालेकी सुनिता अधिकारी गाउँपालिका उपाध्यक्षमा विजयी भएकी छिन्। सुनिताले ५२२७ मत प्राप्त गरिन्। उनले गठबन्धनका तर्फबाट नेपाली कांग्रेसकी उम्मेदवार गंगाकुमारी चापागाईलाई पराजित गरिन्। गंगाले ४३९३ मत प्राप्त गरिन्।
टासी र सुनिता २०७४ को निर्वाचनमा पनि नेकपा एमालेका विजयी भएका थिए।
