स्थानीय तह निर्वाचन २०७९ अन्तर्गत कर्णाली प्रदेशका सबै पालिकाको नतिजा सार्वजनिक भएको छ।
कर्णाली प्रदेशका १० वटै जिल्लाका ७९ पालिकाका नतिजा शुक्रबारसम्म सार्वजनिक भएको हो। कालीकोटको पचालझरना गाउँपालिकाको नतिजा अन्तिममा आएको थियो।
अन्तिम परिणामअनुसार यो पटक कर्णालीमा नेकपा एमालेले घाटा बेहोरेको छ। २०७४ को निर्वाचनबाट कर्णालीका २६ पालिकामा नेतृत्व लिएर पहिलो दल बनेको एमाले अहिले १५ पालिकामा खुम्चिएर तेस्रो बनेको छ।
२०७४ मा तेस्रो बनेको नेपाली कांग्रेस भने पहिलो बनेको छ। नेपाली कांग्रेसले अघिल्लो निर्वाचनमा २४ पालिका जितेको थियो। अहिले ७९ मध्ये ३२ पालिकामा नेतृत्व पाएको छ।
अघिल्लो निर्वाचनमा दोस्रो बनेको माओवादी अहिले पनि दोस्रोमै सीमित छ। तर गएको निर्वाचनभन्दा अहिले माओवादीले कम पालिका जितेको छ। पहिले २५ पालिका जितेको थियो भने अहिले २३ वटा पालिकामात्र जितेको छ।
माओवादीले अहिले कांग्रेससँग गठबन्धन गरे पनि कर्णालीमा पहिलेको जति पालिकामा जित्न सकेन।
माओवादीको बलियो पकड मानिने रूकुम पश्चिमको मुसिकोट नगरपालिकाको नेतृत्व कांग्रेसले माओवादीबाट खोसेको छ। यस्तै अरू पालिका पनि कांग्रेसले माओवादीबाट खोसेको छ।
माओवादीले यसपटकको निर्वाचनबाट पहिले एउटा पालिका पनि नजितेका जिल्लाहरू दैलेखमा दुइटा र सुर्खेतमा एउटा पालिकामा प्रमुख जितेको छ।
नेकपा एमालेले अहिलेको निर्वाचनबाट कर्णालीका पाँच वटा जिल्लाका कुनै पनि पालिकाको नेतृत्व लिन सकेन। रूकुम पश्चिम, हुम्ला, कालीकोट, जुम्ला र मुगुका पालिकाहरूमा एमालेले नेतृत्व लिन सकेन।
२०७४ मा एमालेले हुम्लामा १, मुगुमा १, जुम्लामा १, कालीकोटमा ३ पालिका जितेको थियो।
अहिलेको निर्वाचनबाट एमालेले सुर्खेतका ४, दैलेखका ४, जाजरकोटका ३, डोल्पाका ३ र सल्यानका २ पालिकासहित १५ पालिकामा नेतृत्व पाएको छ।
माओवादी केन्द्रले रूकुम पश्चिमका ४, सुर्खेतको १, दैलेखका २, जाजरेकोटको १, हुम्लाका ३, कालीकोटका ५, जुम्लाका २, मुगुको १, डोल्पाका २ र सल्यानका २ पालिकासहित २३ पालिकाको नेतृत्व पाएको छ।
नेपाली कांग्रेसले रूकुम पश्चिममा २, सुर्खेतका ४, जाजरकोटका ३, हुम्लाका ३, कालीकोटका २, जुम्लाका ५, मुगुका २, डोल्पाको १, सल्यानका ५ र दैलेखका पालिकासहित ३२ पालिकामा नेतृत्व पाएको छ।
यस्तै, माधव नेपाल नेतृत्वको नेकपा (एकीकृत समाजवादी) ले डोल्पाका २, मुगु र सल्यानका १/१ पालिकासहित ४ पालिकाको नेतृत्व लिएको छ।
अहिलेको स्थानीय तह निर्वाचनबाट ५ जना स्वतन्त्र उम्मेदवारले पालिकाको प्रमुख/अध्यक्ष जितेका छन्।
हुम्लाको चंखेली गाउँपालिका, कालीकोटको खाँडाचक्र नगरपालिका, सन्नीत्रिवेणी गाउँपालिका, जुम्लाको चन्दननाथ नगरपालिका र डोल्पाको डोल्पोबुद्ध गाउँपालिकामा स्वतन्त्र उम्मेदवार निर्वाचित भएका छन्।
२०७४ मा ४ जना स्वतन्त्र उम्मेदवार प्रमुख/अध्यक्षमा निर्वाचित भएका थिए। सल्यानमा १ र डोल्पाका ३ पालिकामा स्वतन्त्र उम्मेदवार पालिकाको प्रमुखमा निर्वाचित भएका थिए।
हेर्नुहोस् कुन पालिकामा कसको नेतृत्व
| कर्णाली प्रदेश |
| जिल्ला | पालिका | प्रमुख/अध्यक्ष | उम्मेदवार | पार्टी | प्राप्त मत |
| सल्यान | बनगाड कुपिण्डे नगरपालिका | प्रमुख | कर्ण बहादुर बुढाथोकी | नेपाल कम्युनिष्ट पार्टी (माओवादी केन्द्र) | 7370 |
| सल्यान | बागचौर नगरपालिका | प्रमुख | जनक राज गौतम | नेपाली काँग्रेस | 6027 |
| सल्यान | शारदा नगरपालिका | प्रमुख | प्रकाश भण्डारी | नेपाली काँग्रेस | 6217 |
| सल्यान | कपुरकोट गाउँपालिका | अध्यक्ष | दुर्गा बहादुर पुन | नेपाल कम्युनिष्ट पार्टी (एकिकृत समाजबादी) | 3160 |
| सल्यान | कालीमाटी गाउँपालिका | अध्यक्ष | दान वहादुर खत्री के.सी | नेपाल कम्युनिष्ट पार्टी (एमाले) | 3741 |
| सल्यान | कुमाख गाउँपालिका | अध्यक्ष | मान वहादुर वुढाथोकी | नेपाली काँग्रेस | 4058 |
| सल्यान | छत्रेश्वरी गाउँपालिका | अध्यक्ष | ओज बहादुर वुढाथोकी | नेपाल कम्युनिष्ट पार्टी (एमाले) | 3892 |
| सल्यान | सिद्ध कुमाख गाउँपालिका | अध्यक्ष | भरत गिरी | नेपाली काँग्रेस | 2173 |
| सल्यान | त्रिवेणी गाउँपालिका | अध्यक्ष | खिम बहादुर रावत | नेपाली काँग्रेस | 3369 |
| सल्यान | दार्मा गाउँपालिका | अध्यक्ष | निम बहादुर के.सी. | नेपाल कम्युनिष्ट पार्टी (माओवादी केन्द्र) | 4464 |
| | | | | | |
| डोल्पा | ठूली भेरी नगरपालिका | प्रमुख | श्वबर्ण कुमार बुढा | नेपाली काँग्रेस | 1286 |
| डोल्पा | त्रिपुरासुन्दरी नगरपालिका | प्रमुख | जन चन्द्र रोकाया | नेपाल कम्युनिष्ट पार्टी (एमाले) | 2104 |
| डोल्पा | जगदुल्ला गाउँपालिका | अध्यक्ष | नारा सिं रोकाया | नेपाल कम्युनिष्ट पार्टी (माओवादी केन्द्र) | 770 |
| डोल्पा | डोल्पो बुद्ध गाउँपालिका | अध्यक्ष | कार्मा छोइवेल गुरुङ | स्वतन्त्र | 535 |
| डोल्पा | मुड्केचुला गाउँपालिका | अध्यक्ष | दत्त बहादुर शाही | नेपाल कम्युनिष्ट पार्टी (माओवादी केन्द्र) | 1404 |
| डोल्पा | छार्का ताङसोङ गाउँपालिका | अध्यक्ष | सेनाङ गुरुङ | नेपाल कम्युनिष्ट पार्टी (एकिकृत समाजबादी) | निर्विरोध |
| डोल्पा | शे फोक्सुन्डो गाउँपालिका | अध्यक्ष | धावा सम्डुक गुरुङ | नेपाल कम्युनिष्ट पार्टी (एमाले) | निर्विरोध |
| डोल्पा | काईके गाउँपालिका | अध्यक्ष | अंगद कुमार राना | नेपाल कम्युनिष्ट पार्टी (एकिकृत समाजबादी) | निर्विरोध |
| | | | | | |
| मुगु | छायाँनाथ रारा नगरपालिका | प्रमुख | विष्णु कुमार भाम | नेपाली काँग्रेस | 4599 |
| मुगु | खत्याड गाउँपालिका | अध्यक्ष | अज बहादुर शाही | नेपाल कम्युनिष्ट पार्टी (माओवादी केन्द्र) | 3520 |
| मुगु | मुगुम कार्मारोंग गाउँपालिका | अध्यक्ष | छिरिङ क्याप्ने लामा | नेपाली काँग्रेस | 1571 |
| मुगु | सोरु गाउँपालिका | अध्यक्ष | धर्म बहादुर शाही | नेपाल कम्युनिष्ट पार्टी (एकिकृत समाजबादी) | 4047 |
| | | | | | |
| जुम्ला | चन्दननाथ नगरपालिका | प्रमुख | राजु सिंह कठायत | स्वतन्त्र | 2403 |
| जुम्ला | कनकासुन्दरी गाउँपालिका | अध्यक्ष | दामोदर प्रसाद आचार्य | नेपाली काँग्रेस | 2806 |
| जुम्ला | गुठिचौर गाउँपालिका | अध्यक्ष | दान बहादुर बुढा | नेपाली काँग्रेस | 1775 |
| जुम्ला | तातोपानी गाउँपालिका | अध्यक्ष | नन्द प्रसाद चौलागाई | नेपाली काँग्रेस | 2491 |
| जुम्ला | तिला गाउँपालिका | अध्यक्ष | मोति लाल रोकाया | नेपाल कम्युनिष्ट पार्टी (माओवादी केन्द्र) | 1936 |
| जुम्ला | पातारासी गाउँपालिका | अध्यक्ष | पूर्ण सिंगे बोहोरा | नेपाली काँग्रेस | 2768 |
| जुम्ला | सिंजा गाउँपालिका | अध्यक्ष | पूर्ण प्रसाद धिताल | नेपाल कम्युनिष्ट पार्टी (माओवादी केन्द्र) | 1949 |
| जुम्ला | हिमा गाउँपालिका | अध्यक्ष | लक्ष्मण बहादुर शाही | नेपाली काँग्रेस | 1872 |
| | | | | | |
| कालीकोट | खाँडाचक्र नगरपालिका | प्रमुख | कमल बहादुर शाही | स्वतन्त्र | 2919 |
| कालीकोट | तिलागुफा नगरपालिका | प्रमुख | शंकर प्रसाद उपाध्याय | नेपाली काँग्रेस | 2916 |
| कालीकोट | रास्कोट नगरपालिका | प्रमुख | धर्म राज शाही | नेपाल कम्युनिष्ट पार्टी (माओवादी केन्द्र) | 3047 |
| कालीकोट | शुभ कालीका गाउँपालिका | अध्यक्ष | गोबिन्द्र प्रसाद आचार्य | नेपाल कम्युनिष्ट पार्टी (माओवादी केन्द्र) | 2409 |
| कालीकोट | नरहरिनाथ गाउँपालिका | अध्यक्ष | नगेन्द्र वहादुर विष्ट | नेपाली काँग्रेस | 2636 |
| कालीकोट | पचालझरना गाउँपालिका | अध्यक्ष | देब राज शाहि | नेपाल कम्युनिष्ट पार्टी (माओवादी केन्द्र) | 2362 |
| कालीकोट | पलाता गाउँपालिका | अध्यक्ष | विष्णु बहादुर रोकाया | नेपाल कम्युनिष्ट पार्टी (माओवादी केन्द्र) | 2292 |
| कालीकोट | महावै गाउँपालिका | अध्यक्ष | खेम बहादुर सिंह | नेपाल कम्युनिष्ट पार्टी (माओवादी केन्द्र) | 2274 |
| कालीकोट | सान्नी त्रिवेणी गाउँपालिका | अध्यक्ष | मोहन बहादुर के.सी. | स्वतन्त्र | 1819 |
| | | | | | |
| जाजरकोट | छेडागाड नगरपालिका | प्रमुख | रत्न बहादुर खड्का | नेपाली काँग्रेस | 9173 |
| जाजरकोट | नलगाड नगरपालिका | प्रमुख | डम्मर बहादुर रावत | नेपाल कम्युनिष्ट पार्टी (माओवादी केन्द्र) | 5599 |
| जाजरकोट | भेरी नगरपालिका | प्रमुख | चन्द्र प्रकाश घर्ती | नेपाल कम्युनिष्ट पार्टी (एमाले) | 5210 |
| जाजरकोट | कुसे गाउँपालिका | अध्यक्ष | हरि चन्द्र बस्नेत | नेपाली काँग्रेस | 3423 |
| जाजरकोट | जुनीचाँदे गाउँपालिका | अध्यक्ष | बेद बहादुर शाही | नेपाल कम्युनिष्ट पार्टी (एमाले) | 3444 |
| जाजरकोट | बारेकोट गाउँपालिका | अध्यक्ष | बीर बहादुर गिरी | नेपाल कम्युनिष्ट पार्टी (एमाले) | 3954 |
| जाजरकोट | शिवालय गाउँपालिका | अध्यक्ष | शेर बहादुर शाही | नेपाली काँग्रेस | 3303 |
| | | | | | |
| दैलेख | आठबीस नगरपालिका | प्रमुख | तर्क बहादुर बडुवाल | नेपाल कम्युनिष्ट पार्टी (एमाले) | 5385 |
| दैलेख | चामुण्डा विन्द्रासैनी नगरपालिका | प्रमुख | गणेश कुमार शाही | नेपाली काँग्रेस | 4070 |
| दैलेख | दुल्लु नगरपालिका | प्रमुख | भरत प्रशाद रिजाल | नेपाली काँग्रेस | 7725 |
| दैलेख | नारायण नगरपालिका | प्रमुख | लोमन शर्मा | नेपाल कम्युनिष्ट पार्टी (एमाले) | 5436 |
| दैलेख | गुराँस गाउँपालिका | अध्यक्ष | टोप बहादुर वि सी | नेपाल कम्युनिष्ट पार्टी (एमाले) | 4681 |
| दैलेख | ठाँटीकाँध गाउँपालिका | अध्यक्ष | रक्ष बहादुर शाह | नेपाली काँग्रेस | 2571 |
| दैलेख | डुंगेश्वर गाउँपालिका | अध्यक्ष | सुन्दर कुमार के.सी. | नेपाल कम्युनिष्ट पार्टी (एमाले) | 3406 |
| दैलेख | नौमुले गाउँपालिका | अध्यक्ष | छविराम सुवेदी | नेपाल कम्युनिष्ट पार्टी (माओवादी केन्द्र) | 3200 |
| दैलेख | भगवतीमाई गाउँपालिका | अध्यक्ष | गणेश वहादुर थापा | नेपाल कम्युनिष्ट पार्टी (माओवादी केन्द्र) | 2846 |
| दैलेख | भैरवी गाउँपालिका | अध्यक्ष | रिता कुमारी शाही | नेपाली काँग्रेस | 3976 |
| दैलेख | महावु गाउँपालिका | अध्यक्ष | लछुमन गुरुङ | नेपाली काँग्रेस | 2979 |
| | | | | | |
| सुर्खेत | गुर्भाकोट नगरपालिका | प्रमुख | हस्त पुन | नेपाली काँग्रेस | 11978 |
| सुर्खेत | पञ्चपुरी नगरपालिका | प्रमुख | लाल वीर भण्डारी | नेपाली काँग्रेस | 5909 |
| सुर्खेत | बीरेन्द्रनगर नगरपालिका | प्रमुख | मोहन माया भण्डारी | नेपाल कम्युनिष्ट पार्टी (एमाले) | 16038 |
| सुर्खेत | भेरीगंगा नगरपालिका | प्रमुख | यज्ञ प्रसाद ढकाल | नेपाल कम्युनिष्ट पार्टी (एमाले) | 10022 |
| सुर्खेत | लेकबेशी नगरपालिका | प्रमुख | उमेश कुमार पौडेल | नेपाली काँग्रेस | 6639 |
| सुर्खेत | चिङ्गाड गाउँपालिका | अध्यक्ष | बोध विक्रम जि.सी. | नेपाल कम्युनिष्ट पार्टी (एमाले) | 3591 |
| सुर्खेत | चौकुने गाउँपालिका | अध्यक्ष | खड्क वि.क. | नेपाल कम्युनिष्ट पार्टी (माओवादी केन्द्र) | 5476 |
| सुर्खेत | बराहताल गाउँपालिका | अध्यक्ष | भिम बहादुर भण्डारी | नेपाली काँग्रेस | 4273 |
| सुर्खेत | सिम्ता गाउँपालिका | अध्यक्ष | ऐन बहादुर चन्द | नेपाल कम्युनिष्ट पार्टी (एमाले) | 6170 |
| | | | | | |
| रुकुम पश्चिम | आठबिसकोट नगरपालिका | प्रमुख | रवि के.सी. | नेपाल कम्युनिष्ट पार्टी (माओवादी केन्द्र) | 7399 |
| रुकुम पश्चिम | चौरजहारी नगरपालिका | प्रमुख | पुष्प वादी | नेपाल कम्युनिष्ट पार्टी (माओवादी केन्द्र) | 6882 |
| रुकुम पश्चिम | मुसिकोट नगरपालिका | प्रमुख | महेन्द्र के.सी. | नेपाली काँग्रेस | 6914 |
| रुकुम पश्चिम | त्रिवेणी गाउँपालिका | अध्यक्ष | गणेश कुमार के.सी. | नेपाल कम्युनिष्ट पार्टी (माओवादी केन्द्र) | 5129 |
| रुकुम पश्चिम | बाँफिकोट गाउँपालिका | अध्यक्ष | जनक कुमार वाँठा मगर | नेपाली काँग्रेस | 4455 |
| रुकुम पश्चिम | सानीभेरी गाउँपालिका | अध्यक्ष | विर्खबहादुर विष्ट | नेपाल कम्युनिष्ट पार्टी (माओवादी केन्द्र) | 6019 |
| | | | | | |
| हुम्ला | अदानचुली गाउँपालिका | अध्यक्ष | मोहन बिक्रम सिंह | नेपाली काँग्रेस | 1968 |
| हुम्ला | खार्पुनाथ गाउँपालिका | अध्यक्ष | कर्ण बहादुर रावल | नेपाली काँग्रेस | 1810 |
| हुम्ला | चंखेली गाउँपालिका | अध्यक्ष | प्यारी लाल शाही | स्वतन्त्र | 1695 |
| हुम्ला | ताँजाकोट गाउँपालिका | अध्यक्ष | लालकेश जैसी | नेपाल कम्युनिष्ट पार्टी (माओवादी केन्द्र) | 1810 |
| हुम्ला | नाम्खा गाउँपालिका | अध्यक्ष | प्रेम बहादुर लामा | नेपाल कम्युनिष्ट पार्टी (माओवादी केन्द्र) | 1466 |
| हुम्ला | सर्केगाड गाउँपालिका | अध्यक्ष | ठान बहादुर रोकाया | नेपाली काँग्रेस | 3543 |
| हुम्ला | सिमकोट गाउँपालिका | अध्यक्ष | विजय भण्डारी | नेपाल कम्युनिष्ट पार्टी (माओवादी केन्द्र) | 2882 |
| | | | | | |
| | पालिकामा जित | | | |
| | पार्टी | जित | | | |
| | नेपाली काँग्रेस | ३२ | | | |
| | नेपाल कम्युनिष्ट पार्टी (माओवादी केन्द्र) | २३ | | | |
| | नेपाल कम्युनिष्ट पार्टी (एमाले) | १५ | | | |
| | स्वतन्त्र | ५ | | | |
| | नेपाल कम्युनिष्ट पार्टी (एकिकृत समाजबादी) | ४ | | | |
| | | | | | |
