बाराको देवताल गाउँपालिकाको अध्यक्ष र उपाध्यक्ष दुवैमा जनता समाजवादी पार्टी (जसपा) विजयी भएको छ।
लोकतान्त्रिक समाजवादी पार्टी (लोसपा) का उम्मेदवार चन्दनकुमार सिंहलाई ६०१ मतले पराजित गर्दै जसपाका उदयप्रसाद यादव अध्यक्षमा विजयी भएका हुन्।
यादवले ४१७६ मत प्राप्त गरेका छन् भने सिंहले ३५७५ मत ल्याए।
उपाध्यक्षमा जसपाकी सीतापति यादवले ४२०५ मत ल्याएर जितेकी छन्। उनका निकटतम प्रतिद्वन्द्वी लोसपाकी रामपति देवीले ३०७६ मत ल्याइन्।
अध्यक्ष र उपाध्यक्षमा पराजित भएका लोसपाका चन्दनकुमार र रामपति देवी निवर्तमान अध्यक्ष र उपाध्यक्ष हुन्।
२०७४ सालको निर्वाचनमा तत्कालीन राष्ट्रिय जनता पार्टी नेपालबाट उनीहरू निर्वाचित भएका थिए। तत्कालीन संघीय समाजवादी पार्टीबाट चुनाव लडेका उदयप्रसाद ३८८ मतले पराजित भएका थिए।
