काठमाडौं महानगरपालिकामा स्वतन्त्र उम्मेदवार बालेन शाहले आफ्नो मतान्तर अझै फराकिलो बनाएका छन्।
पछिल्लो विवरणअनुसार एक लाख २१ हजार ३ सय ७५ मतगणनामा बालेनले ४२ हजार ९०२ मत पाएका हुन्।
उनले दोस्रो स्थानमा रहेको नेपाली कांग्रेसकी उम्मेदवार सिर्जना सिंहलाई १८ हजार ३५ मतले पछि पारेका छन्। सिंहले २४ हजार ८६७ मत पाएकी छन्।
यस्तै नेकपा एमालेका उम्मेदवार केशव स्थापितले २३ हजार ९८५ मत पाएका छन्। स्थापित सिंहभन्दा ८८२ मतले पछि परेका छन्।
अहिलेसम्म वडा नम्बर १, २, ३, ४, ५, ६, ७, ८, ११, २४, २५, २७, २८, २९, ३०, ३१ र ३२ को नतिजा आइसकेको छ।
वडा नम्बर ९, १०, १२, १३, २२, २३ र २६ को मतगणना राष्ट्रिय सभागृहमा जारी छ।
गणना भइरहेका वडामध्ये ९, १०, १३ र २६ मा बालेनको अग्रता छ। त्यस्तै १२ र २२ मा सिर्जनाको अग्रता छ भने २३ नम्बरमा स्थापितको अग्रता छ।
