आइपिटीभी सेवा प्रदायक कम्पनी नेटटिभी सिनेप्लसमा प्राइम प्याकेज लिएका ग्राहकहरुलाई कुनै अतिरिक्त शूल्क तिर्न नपर्ने भएको छ।
नेटटीभीले नियमित रुपमा हिन्दी/अंग्रेजी चलचित्रहरु, टिभी सिरियलहरु र टिभी शोजस्ता मनोरन्जनात्मक सामग्रीसहितको ‘नेटटीभी प्राइम प्याकेज’ दिदैं आएको छ।
जुन प्याकेज प्रति महिना ९९ रुपैयाँमा नेटटिभी सेट टप बक्स भएका ग्राहकले लिन सक्छन्।
नेटटीभीका प्रमुख कार्यकारी अधिकृत निरन राजभण्डारीले ९९ रुपैयाँमै चार हजार बढी मनोरञ्जनात्मक सामग्रीहरु उपलब्ध हुने बताए।
‘हामीले प्रति महिना ६९ रुपैयाँमै नेपालका प्रत्येक व्यक्तिले कुनै पनि सेवा प्रदायकको इन्टरनेटबाट उपयोग गर्न सक्ने गरी हाम्रो नेटटीभी एन्ड्रोइड र आईओएस एपमा नेटटिभी सिनेप्लस मनोरञ्जनात्मक कार्यक्रम हेर्न सक्ने गरी तयारी थालेका छौँ’, उनले भने।
यससँगै नेटटीभी सिनेप्लस वर्गअन्तर्गत तीन हजार बढी चलचित्र सामग्री, वेभ श्रृंखला र सामान्य मनोरञ्जनात्मक कार्यक्रमहरु हुनेछन्।
यी सबै सामग्री हेर्न नेटटिभीले अन्तर्राष्ट्रिय ओटिटी प्लेटफर्मबाट मार्की सामग्रीहरु एकीकृत गरेर नेटटिभी सिनेप्लसको वर्ग अन्तर्गत प्रसारण गर्दैछ।
