स्मार्ट फोन ब्राण्ड सामसङले ग्यालेक्सी एस ट्विन्टी, ट्विन्टी प्लस तथा ग्यालेक्सी नोट ट्विन्टी अल्ट्रा फोनको प्रि–अर्डर गर्ने ग्राहकहरु मध्येबाट भाग्यशाली विजेताको घोषणा गरेको छ।
माघ २८ गते सामसङ नेपालको आधिकारिक फेसबुक पेजमार्फत् विजेता घोषणा गरेको सामसङले प्रेस विज्ञप्ती मार्फत् जानकारी दिएको छ।
सामसङ मोबाइल नेपालका विजिनेस हेड प्रणय रत्न स्थापितले नेपालमा सामसङ तथा ग्यालेक्सी फोन प्रयोगकर्ता बढिरहँदा ग्राहकका लागि यो वर्ष अझै विशेष बनाउँदै प्रि अर्डरमा आकर्षक उपहार समावेश गरेको बताए।
विजेताहरुलाई टर्किस एयर लायन्सको तर्फबाट विजिनेस क्लासको दुई तर्फी हवाई टिकट, ग्यालेक्सी घडी, दुई रात हिमालयन फ्रन्ट होटेल मावा वाटरफ्रन्ट रिसोर्टमा वस्ने सुविधा वा लेट् मिइनको तर्फबाट ५ हजार रुपैयाँ बराबरको कुपन दिने सामसङले जानकारी दिएको थियो।
त्यसै गरी ग्यालेक्सी नोट ट्विन्टी अल्ट्रको प्रि–अडर गर्ने ग्राहकहरुले लक्की ड्र मार्फत् टर्किस एयर लायन्सको तर्फबाट विजिनेस क्लासको दुई तर्फी हवाई टिकट, दोस्रो, तेस्रो र चौथो विजेताले ग्यालेक्सी बड्स, पाँचौं र छैटौं विजेताले दुई रात हिमालयन फ्रन्ट होटेल वा वाटरफ्रन्ट रिसोर्टमा वस्ने सुविधा तथा सातौं विजेताले लेट् मिइनको तर्फबाट १० हजार रुपैयाँ बराबरको कुपन पाउने बताइएको थियो।
योजना अनुसार सामसङ नेपालले लक्कि ड्र गरी विजेताहरु घोषणा गरेको विज्ञप्ती मार्फत् जानकारी दिएको छ। विजेताहरुमा आस्मा राना, पारस श्रेष्ठ, आशेष श्रेष्ठ, मदन प्रसाद भण्डारी लगतायत रहेका छन्।
