सबैलाई सधैं कनेक्टेड राख्नको लागि एनसेलसँगको सहकार्यमा भायानेटले अल इन वान, भायानेट पर्पल प्याक सार्वजनिक गरेको छ।
अफर अन्तर्गत ८० एमबिपिएस भायानेट इन्टरनेट लिँदा ग्राहकहरुले १ सय ७५ भन्दाबढी च्यानल भएको भायाटिभी सँगसँगै एनसेल सिम सित्तैमा पाउन सकिनेछ।
सिम मार्फत ग्राहकले प्रत्येक महिना ४ जिबीका दरले एक वर्षसम्म कुल ४८ जिबी मोबाइल डेटा सित्तैमा पाइनेछ।
त्यस्तै गरी यो सिम मार्फत ग्राहकहरुले अन्य एनसेल नम्बरमा कल गर्नका लागि मासिक ५० मिनेट टक टाइम, मासिक ५० वटा एसएमएस, भायानेटको कल सेन्टरमा महिनाको ५० मिनेट निःशुल्क कल र भायानेट एप चलाउन महिनाको १ जिबी थप निःशुल्क मोबाइल डेटा सुविधा पनि पाइनेछ।
यी सबै सुविधाहरु ग्राहकहरुले जम्मा मासिक १६०० रुपैयाँमा पाउन सक्नेछन्। यो अफर भायानेटको १०० एमबिपिएस इन्टरनेटमा पनि उपलब्ध छ।
