नेपालमा नयाँ आइफोन–१३ को प्रि–बुकिङ खुलिसकेको छ।
अक्टोबर १३ देखि आधिकारिक वितरकले आइफोन–१३ को अर्डर लिन सुरु गरिसकेका छन्। यही बेला नेपालका लागि एप्पलको आधिकारिक वितरक इभोलुसन टेड्रिङले आफ्ना उपभोक्ता लक्षित नयाँ अफर ल्याएको छ।
इभोलुसन टेड्रिङले आफ्नो वितरक इभो स्टोरबाट आइफोन–१३ किन्ने उपभोक्तालाई एक वर्षको लागि नेपाल टेलिकमबाट निशुल्क ५ जिबी डाटा दिने भएको छ।
टेड्रिङका अनुसार कोही व्यक्तिले इभो स्टोरबाट नयाँ आइफोन–१३ किनेपछि उनीहरुलाई नेपाल टेलिकमको नयाँ सिम दिइन्छ जसमा एक वर्षको निशुल्क ५ जिबी डाटा एक्टिभेट भएको हुन्छ। यदि कसैको अगाडि नै टेलिकमको सिम छ भने इभो स्टोरले त्यस सिममा रजिस्टर गरेर सो सुविधा एक्टिभेट गरिदिनेछ।
टेलिकमबाट एक वर्षको निशुल्क ५ जिबी डाटा पाउन उपभोक्ताले इभो स्टोरबाट नै आइफोन–१३ किन्नु पर्छ। यो अफरका लागि इभोलुसन टेड्रिङले टेलिकमसँग सहकार्य गरेको बताएका छन्।
यसैगरी इभोस्टोरबाट आइफोन–१३ किन्दा एक वर्षका लागि बे्रकेज इन्सुरेन्स र मोम्याक्स २० वाटको पावर एडेप्टर निशुल्क पाइने टेड्रिङले जानकारी दिएको छ। यो अफर नेपालभर उपलब्ध छ।
