नेपालको अग्रणी र ठूलो नेटवर्क भएको इन्टरनेट सेवा प्रदायक कम्पनी क्लासिक टेकले आफ्नो नयाँ आउटलेट पोखराको लेखनाथमा विस्तार गरेको छ।
कम्पनीले पोखराको लेखनाथमा आफ्ना ग्राहकहरुलाई प्रत्यक्ष र सहज रुपमा सेवा उपलब्ध गराउने उद्देश्यले आफ्नो नयाँ आउटलेट संचालनमा ल्याएको हो।
कम्पनीले लेखनाथ आसपासका ठाउँहरुमा सेवा सुबिधा बढाउने उद्देश्यले थप सेवा विस्तार गरेको हो। क्लासिक टेकले कोरोना महामारीको समय अनि लकडाउनपछिको छोटो समयमै तिब्र गतिमा आफ्नो सेवा र आउटलेट विस्तार गर्दै गएको बतायो।
आउटलेटमा बिल्लिङ्, कस्टमर सपोर्ट, फाइबर स्टाफ र मार्केटिंग स्टाफ राखिएको छ। कम्पनीले कस्टमर सपोर्ट र पेमेन्ट छिटो र छरितो बनाउनको लागि आउटलेट खोलेको हो।
सानो भन्दा सानो सेवा पनि छिटो र छरितो समाधान हुने कम्पनीले अपेक्षा गरेको छ। कम्पनीले ७४ वटा जिल्लामा कर्पोरेटहरु र बैंकहरुलाई ईन्टरनेट र इंट्रानेट सेवाहरु पनि दिँदै आईरहेको छ।
कम्पनीले तूफान अफर अन्तर्गत ५० एमबिपिएस स्पीडको इन्टरनेट केबल ११५४ प्रति महिनामा उपलब्ध गराउँदै आएको छ, जसका साथमा १५० टिभी च्यानलहरु र युट्यूब समेत हेर्न सकिने सुबिधा रहेको छ ।
