पछिल्लो समय नेपाली बजारमा वान प्लसले लोकप्रियता कमाएको छ। कम्पनीले विभिन्न समय नयाँ-नयाँ मोडलको फोन सार्वजनिक गर्ने क्रम पनि जारी छ। यस्तैमा आज हामीले हाल नेपाली बजारमा उपलब्ध वान प्लसका विभिन्न मोडलको मूल्य सूची तयार पारेका छौं।
नेपाली बजारमा उपलब्ध वान प्लसको सबैभन्दा सस्तो फोन नर्ड एन १०० हो, जसको मूल्य कम्पनीले २३ हजार ४ सय ९९ रुपैयाँ तोकेको छ। दुईवटा सिम हाल्न मिल्ने यो फोनमा ६.५२ इन्चको डिस्प्ले छ भने ४ जिबी र्याम र ६४ जिबी रोम छ। यसमा पाँच हजार एमएएचको ब्याट्री छ।
त्यस्तै, बजारमा उपलब्ध वान प्लसको सबैभन्दा महंगो फोन भनेको वान प्लस ९ प्रो ५जी हो, जसको बजार मूल्य एक लाख २९ हजार ९ सय ९० रुपैयाँ तोकिएको छ। ६.७ इन्चको डिस्प्ले भएको यो फोनमा चार वटा क्यामेरा छ। जसमध्ये ४९ मेगापिक्सलको मुख्य क्यामेरा छ।
कम्पनीका अनुसार नेपाली बजारमा विभिन्न मोडलमध्ये वान प्लस नर्ड सिई र नर्ड २ लोकप्रिय छन्। यीबाहेक नेपाली बजारमा उपलब्ध वान प्लसका अन्य मोडल र त्यसको मूल्य यस प्रकारको छः
| क्र.स. | मोडल | मूल्य |
| १. | नर्ड एन १००(डुअल सिम) | २३,४९९ |
| २. | नर्ड एन १० ५जी | ३९,४९९ |
| ३. | नर्ड सिई ५जी (८ जिबी + १२८ जिबी) | ४४,९९९ |
| ४. | नर्ड सिई ५जी (१२८ जिबी + २५६ जिबी) | ५१,४९९ |
| ५. | नर्ड २ ५जी (८ जिबी + १२८ जिबी) | ५९,९९९ |
| ६. | नर्ड २ ५जी (१२८ जिबी + २५६ जिबी) | ६९,९९९ |
| ७. | वान प्लस ८टी (८ जिबी + १२८ जिबी) | ७८,९९९ |
| ८. | वान प्लस ८टी (१२जिबी + २५६ जिबी ) | ८५,९९९ |
| ९. | वान प्लस ९ ५जी (१२ + २५६ जिबी) | १,०४,९९९ |
| १०. | वान प्लस ९ ५जी (८ + १२८ जिबी) | ९४,९९० |
| ११. | वान प्लस ९ प्रो ५जिबी (८ + २५६ जिबी ) | १,१९,९९० |
| १२. | वान प्लस ९ प्रो ५जी (१२ + २५६ जिबी) | १,२९,९९० |
