माई पे डिजिटल वालेटले आन्तरिक हवाई टिकट बुकिङ सेवा सुरू गरेको छ।
माई पे वालेटमार्फत आन्तरिक एयरलाइन्सको तीन हजारसम्मको टिकट बुकिङ गर्दा ७ प्रतिशत र सोभन्दा बढीको टिकट बुकिङ गर्दा ५ प्रतिशत क्यासब्यास पाइने भएको छ। यसबाहेक प्रयोगकर्तालाई अधिकतम एक हजार रुपैयाँसम्म क्यासब्याक दिने र दिनमा तीन जनालाई १० प्रतिशत क्यासब्याक दिने कम्पनिले जनाएको छ।
यस क्यासब्याक योजना अन्य कुनै पनि माध्यमबाट टिकट बुकिङमा पाइने क्यासब्याक भन्दा धेरै रहेको कम्पनीले दाबी गरेको छ।
कम्पनीका अनुसार यो योजना सीमित अवधिका लागि लागू हुनेछ। यो सुविधा उपयोग गर्नका लागि माई पे वालेट डाउनलोड गरी कारोबार गर्न सक्नेछन्। यसका साथै वालेट मार्फत अन्य जुनसुकै पहिलो भुक्तानी कारोबार गर्दा २५ प्रतिशत अथवा अधिकतम एक सय रुपैयाँसम्म क्यासब्याक समेत प्राप्त गर्न सकिने कम्पनीले जनाएको छ।
