अल्ट्रा वाइड-एङ्गल क्यामेरा, टेलिफोटो क्यामेरा तथा टिएफ क्यामेराजस्ता अत्याधुनिक इमेजिङ प्रविधिको कुरा गर्दा यिनीहरूमा के समानता होलान्?
तिनीहरू अणुहरू वा स्मार्टफोनको इमेजिङ मोड्युल बनाउने साना-साना तत्वहरू हुन। यिनीहरूले नै राम्रो फोटो लिने प्रविधिका लागि हार्डवयरको फाउन्डेसन बनाउँछन्। भिभोका लागि राम्रो फोटो निकाल्न सहयोग गर्ने तत्वमा योभन्दा बढी कुराहरू पर्छन्: यिनीहरूले भिभोको वैश्विक आर एन्ड डी रणनीतिलाई पनि सार्थक बनाउँछन्।
हालै भिभोले जापानी विज्ञहरूको टोलीसँगको साझेदारीमा टोक्यो आर एन्ड डी सेन्टर स्थापना गरेको छ। भिभो टोक्यो आर एन्ड डी सेन्टरका प्रमुख मासाजुमीले यसका बारेमा थप तथ्य अनावरण गरेका छन्।
के हो भिभो टोक्यो आर एन्ड डी सेन्टर?
भिभो टोक्यो आर एन्ड डी सेन्टर सन् २०१९ मा टोक्योको शिम्बासीमा स्थापना भएको हो। यो दुई वर्षपछि प्रयोग हुनसक्ने प्रविधिको पूर्व-अनुसन्धान तथा विकासमा केन्द्रित छ।
यस केन्द्रले किन दुई वर्ष अगावै पूर्व-अनुसन्धान गर्छ? अनुसन्धान केन्द्रका लागि टोक्यो नै किन छानियो? यी प्रश्नका उत्तर पाउन यो सेन्टर स्थापना हुनुअघि सन् २०१७ मा फर्कनु आवश्यक हुन्छ।
त्यस वर्ष मोबाइल फोनको बजार नयाँ र पुराना ब्रान्डबीच व्यापक प्रतिस्पर्धासहित तीव्र गतिमा वृद्धि हुँदै थियो।
यो प्रतिस्पर्धा बजारीकरणबाट प्रविधिमा सरेपछि व्यापार तथा निर्माण क्षेत्रले प्राय: प्रयोगमा ल्याउने ‘ग्लोबलाइजेसन’ शब्द आर एन्ड डी क्षेत्रमा पनि देखा पर्न थाल्यो। त्यसै वर्ष भिभोले एक कदम अगाडि बढाउँदै आफ्नो ग्लोबल आर एन्ड डी सेन्टर स्थापना गर्ने निर्णयको घोषणा गर्यो।
यो रणनीति पछाडिको उद्देश्य विभिन्न आर एन्ड डी कार्यका लागि विश्वका फरक फरक ठाउँमा बहुमूल्य स्रोतसाधनलाई परिचालन गर्नु हो। भिभो टोक्यो आर एन्ड डी सेन्टर यसै रणनीति अनुरुप स्थापना भएको हो।
'जापानसँग मोबाइल इमेजिङ प्रविधि विकासको सय वर्षको इतिहास छ भने यसले फिल्म अर्थात् रिलबाट लेन्स, सेन्सर तथा मोटरलगायत डिजिटल इमेजिङको क्षेत्रमा फड्को मारिसकेको छ,' आर एन्ड डी सेन्टरका प्रमुख मासाजुमीले भने। उनको विचारमा मोबाइल क्यामेरा प्रविधि मजबुत तथा निखारिएको इमेजिङ उद्योगमार्फत् सम्भव हुने भएकाले टोक्योमा आरएन्डडी सेन्टर हुनु निकै ठूलो उपलब्धि हो।
टोक्यो आर एन्ड डी सेन्टर अगाडि बढ्दै जाँदा यसले आफ्नो प्राथमिकता मोबाइल फोन इमेजिङबाट विस्तार गरेर कार क्यामेरा, स्पोर्ट्स क्यामेरा तथा औद्योगिक क्यामेराजस्ता अझ गहन क्षेत्रमा पुर्याएको छ।
यी प्रविधिहरू अन्य बजारमा पूर्ण रुपमा आइनसकेका हुन सक्छन्। तर भिभोको सिग्नेचर गिम्बल क्यामेरा सार्वजनिक भएपछि तथा भिभोको वैश्विक निर्माण क्षेत्रहरूको पूर्णतापछि माथि उल्लिखित प्रविधिहरूको व्यवहारिकता/प्रयोगको प्रतीक्षा गर्न सकिन्छ।
भविष्यका लागि उपभोक्ताको आवश्यकतासम्बन्धी भिभोको खाकाको सारः
भिभोको कर्पोरेट कल्चरमा रहेको उपभोक्तामुखी हुनुपर्ने मुख्य नीतिले नै भिभोको आर एन्ड डीको कामलाई मार्गनिर्देश गर्दछ। चाहे गिम्बल क्यामेरा होस् वा भी-१ इमेजिङ चिप यी सबै भिभोको अन्तरंग तथा उपभोक्ताको आवश्यकताको समग्र समीक्षामा आधारित छन्।
वर्तमान डेटा तथा प्रविधिको प्रवृत्तिबारे मुख्यालयसँग कुराकानी गर्दै मासुजामीले भने, ‘हामी अहिले अधिकांश समय अनलाइन बैठकमा भर पर्ने गरेको भए पनि हामी अझ बढी संवाद गर्छो र सूचना आदानप्रदान पहिलेभन्दा थप सरल हुँदै गएको छ।’
मुख्यालयमा रहेको योजना/उत्पादन टोलीले प्रयोगकर्ताको सुझावका आधारमा स्मार्टफोन इमेजिङ टेक्नोलोजीसम्बन्धी भविष्यका अनुसन्धान प्रवृत्तिहरूको विश्लेषण गर्छ। त्यसबाट निस्केको निष्कर्ष टोक्यो आर एन्ड डी टिमलाई सेयर गरिन्छ।
यो प्रक्रियामा मासाजुमीले वैश्विक मागमा परिवर्तन भइरहेको पाएका छन्। ‘वैश्विक उपभोक्ताहरूमा एचडी इमेजिङप्रति उच्च अपेक्षा रहेको छ तर फोनमा भने त्यसका लागि आवश्यक लेन्स मोड्युल राख्ने ठाउँ झन् कम हुँदै गइरहेको छ।’
यस्तो विपरीत अवस्थामा भविष्यको इमेजिङ हार्डवेयर विकासको एउटा मुख्य दिशा वा तरिका भनेको ‘सानो र एकीकृत’ बनाउनु हुनेमा मासाजुमी सकारात्मक छन्। उनले भनेका छन्, ‘हाल क्यामेरा लेन्सहरू सामान्यतया एसेम्बल गरिन्छन्। भविष्यमा यी सबै अझ संवेदनशील र तीव्र सेन्सरसहित एकै स्थानमा एकीकृत हुन सक्छन्।’
टोक्यो आर एन्ड डी सेन्टरको स्थापना भिभोको वैश्विक आर एन्ड डी रणनीतिको उदाहरण हो। सन् २०१७ मा भिभोले आफ्नो प्राविधिक अनुसन्धान समग्र स्मार्टफोनको इनोभेशनका क्षेत्रमा एक विधामा नभई बहु-विधामा केन्द्रित हुने प्रस्ताव गरेको थियो।
यही उद्देश्य प्राप्तिका लागि भिभोले यसअघि शेन्जेन, डङगुआन, नान्जिङ, बेइजिङ, शांघाई, हाङजोउ, शि’यान, ताइपेई, सान डिएगोमा आफ्ना दशवटा अनुसन्धान तथा विकास केन्द्रहरू स्थापना गरिसकेको छ। यी केन्द्रहरू फाइभजी, आर्टिफिसियल इन्टेलिजेन्स, औद्योगिक डिजाइन, इमेजिङ सिस्टम तथा अन्य आउँदै गरेका प्रविधिलगायत अत्याधुनिक कन्ज्युमर इलेक्ट्रोनिक्स प्रविधि तथा सेवाहरूको विकासमा समर्पित छन्।
