फागु पर्वको अवसरमा नेपाल टेलिकमले अनलिमिटेड डेटासहितको फागु अफर उपलब्ध गराएको छ। यो अफर भोलि (बिहीबार) अर्थात् चैत ३ गतेदेखि चैत १७ गतेसम्म उपलब्ध हुनेछ।
यो अफर अन्तर्गत ६९ रुपैयाँमा एक एमबिपिएस अनलिमिटेड डेटा २४ घण्टा, ९८ रुपैयाँमा ६ जिबी डेटा ३ दिन र २९४ रुपैयाँमा २० जिबी डेटा १० दिनका लागि उपलब्ध हुनेछ।
यो सुविधा *१४१५*११# डायल गरी वा ‘नेपाल टेलिकम एप’ प्रयोग गरेर सुविधा खरिद गर्न सकिन्छ।
नेपालीहरूको महत्वपूर्ण पर्वहरू फागु पूर्णिमा र चैते दशैंलाई समेत दृष्टिगत गरी ल्याइएको यस अफरको अवधि १५ दिनसम्म कायम हुनेछ।
यस अफरबाट सम्पूर्ण ग्राहकहरू लाभान्वित हुनेमा कम्पनी सकारात्मक छ।
