नेपाल टेलिकमको आइपिटिभी सेवा आज राती (सोमबार) अवरूद्ध हुने देखिएको छ।
सोमबार राती १२ बजे सिस्टम मर्मत गर्नुपर्ने भएकाले सेवा अवरूद्ध हुन सक्ने भन्दै टेलिकमले आफ्नो आधिकारिक फेसबुकमार्फत् सूचना जारी गरेको छ।
'यस कम्पनीको आइपिभिटी सेवा वितरण हुने प्रणालीमा आज राति १२ बजे सिस्टम मेन्टिनेन्स गर्नुपर्ने भएकाले केही समय आइपिभिटी सेवा अवरूद्ध हुन सक्ने सम्भावना रहेको जानकारी गराउँछौं,' कम्पनीले भनेको छ।
कम्पनीले यसबाट ग्राहकमा पर्ने असुविधाका लागि क्षमाप्रार्थी भएको पनि जनाएको छ।
टेलिकमले एनटी टिभी ब्रान्डमा आफ्नो आइपिटिभी सेवा सञ्चालन गर्दै आएको छ।
