नयाँ वर्षको उपलक्ष्यमा सामसङ ग्यालेक्सी ए-२३ को मूल्य घटाइएको छ। यो फोनको मूल्य दुई हजार रुपैयाँले घटाइएको हो।
६ जिबी र्याम र १२८ जिबी आन्तरिक स्टोरेज भएको ग्यालेक्सी ए-२३को लागि नयाँ वर्षको अफर मूल्य २९ हजार नौ सय ९९ रुपैयाँ कायम गरिएको छ। ४ जिबी र्याम र ६४ जिबी आन्तरिक स्टोरेज भएको ग्यालेक्सी ए-२३ को लागि भने अफर मूल्य २५ हजार नौ सय ९९ रुपैयाँ तोकिएको छ।
सामसङ ग्यालेक्सी ए-२३ स्न्यापड्रागन ६८० साथ ४ र ६ जिबि र्याममा उपलब्ध छ। यो फोनमा ६४ र १२८ जिबी स्टोरेज क्षमतामा छ, जसलाई माइक्रो एसडी कार्डको सहायताले १ टिबीसम्म बढाउन सकिन्छ। यो फोनमा एन्ड्रोइड १२ र वान् युआई ४.१ छ।
सामसङ ग्यालेक्सी ए-२३ मा ६.६ इन्चको एफएचडी प्लस स्क्रिन राखिएको छ, जुन वाटरड्रप नचका साथ आउँछ। क्यामराको रुपमा ग्यालेक्सी ए-२३ मा चारवटा क्यामरा छन्, जुन ५० मेगापिक्सलको प्राइमरी सेन्सर, एउटा ५ मेगापिक्सलको अल्ट्रा वाइड सुटर, एउटा २ मेगापिक्सलको डेप्थ सेन्सर र एउटा २ मेगा पिक्सलको म्याक्रो क्यामरा छन्।
यो मोबाइलको मुख्य क्यामरामा ओआइएस जडित छ। ओआइएस हार्डवेयर र सफ्टवेयर प्रोसेसिङको संयोजन प्रयोग गर्छ, जुन कम प्रकाशमा पनि प्रष्ट र राम्रो फोटोहरु खिच्नको लागि पर्याप्त हुन्छ। यसले गर्दा फोटो खिच्दा कम्पन भएपनि फोटोमा त्यसको असर अत्यन्त कम पर्छ। यो फोनमा पाँच हजार एमएएचको ब्याट्री क्षमता छ।
