भायानेट कम्युनिकेसनले आफ्नो सेवा विस्तार गर्ने क्रममा सुर्खेत, घोराही र तुलसीपुरमा नयाँ शाखा विस्तार गरेको छ।
ग्राहकहरूका लागि समय–समयमा विभिन्न योजनाहरू सञ्चालन गर्ने भायानेटका योजनाहरूबाट अब सुर्खेत, घोराही र तुलसीपुरका सर्वसाधारण लाभान्वित हुने कम्पनीले बताएको छ।
कम्पनीले नयाँ शाखा विस्तार भएको अवसरमा अल्ट्राफाई प्याकेजमा चार महिनासम्मको फ्री ओपेनिङ अफर उपलब्ध गराएको छ।
उक्त सेवा लिदा ग्राहकले इन्टरनेट, वाइफाई डिभाइस र भायाटिभीको प्राइमरी सेट–अप–बक्स इन्स्टलेसन निःशुल्क पाउनेछन्।
भायानेटको अल्ट्रा–फाई योजनामार्फत ग्राहकले सुपथ मूल्यमा उच्चस्तरको इन्टरनेटसँगै १७५ भन्दा बढी च्यानल भएको भायाटिभीको मजा लिन पाउनेछन्।
यो सुविधा कम्पनीले सीमित अवधिको लागि ल्याएको बताएको छ।
सुर्खेतको सर्भिस सेन्टर बीरेन्द्रचोकमा, घोराही सर्भिस सेन्टर भने बी.पी चोक क्यापिटल हस्पिटल भएको घरको तेस्रो तला तथा तुलसीपुरको सर्भिस सेन्टर मनपुर रोड एनआइसी एशिया बैंक नजिकै खोलिएको कम्पनीले जानकारी दिएको छ।
कम्पनीले ग्राहकहरूलाई विश्वस्तरीय, गुणस्तरीय सेवा प्रदान गर्न नोकिया, जुनिपर, सिस्को र सियना जस्ता अत्याधुनिक प्रविधिमैत्री विश्वका प्रसिद्ध ब्राण्डहरूसँग सहकार्य गरेको छ।
अत्याधुनिक प्रविधिको ब्रोडब्याण्ड सेवासँगै गुणस्तरीय टेलिभिजन सेवा प्रदान गरिरहेको कम्पनीको शाखा पछिल्लो समय देशैभरी विस्तार हुने क्रममा रहेको बताइएको छ।
