एन्ड्रोइड टिभी ब्राण्ड टिसिएलले आगामी दशैं तिहारलाई लक्षित गरेर 'अजम्बरी खुशी' योजना सार्वजनिक गरेको छ ।
यस योजना अन्तर्गत ग्राहकहरूले टिसिएलका होम इन्टरटेनमेन्ट र होम एप्लायन्सका उत्पादनहरू खरिद गर्दा आकर्षक नगद छुट वा निश्चित उपहारहरू प्राप्त गर्न सक्ने कम्पनीले जनाएको छ ।
यो योजना भदौ ८ गतेदेखि सीमित अवधिका लागि नेपालभरी लागु हुनेछ।
ग्राहकहरूले टेलिभिजनको खरिदमा ४० हजार चार सय रुपैयाँसम्मको छुट पाउन सक्नेछन् भने कर्भड टेलिभिजनको खरिदमा १४ हजार सात सय रुपैयाँको छुटका साथै १ थान टि.भी स्टिक उपहार पनि पाउन सक्नेछन्।
त्यस्तै, वाशिङ मेसिनको खरिदमा १९ हजार तीन सय रुपैयाँ सम्मको छुटका साथै छ केजीको वाशिङ पाउडर उपहार पनि पाउन सक्नेछन्।
रेफ्रिजेरेटरको खरिदमा ३५ हजार सात सय रुपैयाँको छुट पाउन सक्नेछन्।
त्यसैगरी, एअर कन्डिसनरको खरिदमा ३५ हजार चार सयसम्मको छुटका साथै ४ हजार बराबरको निःशुल्क एसि जडान सुविधा पनि पाउन सक्ने कम्पनीले बताएको छ।
साथै, वाटर डिस्पेन्सरको खरिदमा चार हजार तीन सयसम्मको छुट र चेस्ट फ्रिजरको खरिदमा १४ हजार सात सय र साउन्ड बारको खरिदमा छ हजारसम्मको छुट पाउन सक्नेछन्।
यसका साथै कम्पनीले फ्री डेलिभरी, फ्री इन्स्टलेशन एन्ड डेमो र शून्य प्रतिशतमा फाइनान्स सुविधा पनि प्रदान गरेको जनाएको छ।
