आउँदै गरेको फिफा विश्वकप–२०२२ लाई मध्यनजर गर्दै भायाटिभीले आफ्ना ग्राहकहरूका लागि आकर्षक अफर ल्याएको छ।
उक्त अफर अन्तर्गत भायाटिभीका ग्राहकहरूले ५०० रुपैयाँमा फुटबल विश्वकपका सबै खेलहरू लाइभ हेर्नका साथै ३२" देखि ४३" सम्मका नयाँ हिमस्टार टिभी सेटहरूमा ५१५ रुपैयाँसम्म छुट पाउने कम्पनीले बताएको छ।
भयाटिभीका हालका ग्राहकहरूले ५०० रुपैयाँमा सबै विश्वकप खेलहरू हिमालय एचडी च्यानलमा प्रत्यक्ष हेर्न सक्नेछन्। यो अफर सेट–टप–बक्स प्रयोगकर्ताहरूको लागि मात्र मान्य हुनेछ।
यस बाहेक भायाटिभीको 'ब्रिंग होम दगेम' अफर अन्तर्गत ग्राहकहरूले १५० रुपैयाँ प्रति महिना सम्ममा भायाटिभी र ९९९ रुपैयाँ प्रति महिना सम्ममा २०० एमबिपिएस भायानेट अल्ट्रा–फाई इन्टरनेट पनि पाउन सक्नेछन्।
वार्षिक सदस्यता लिने वा नवीकरण गर्ने दुवै ग्राहकले यसरी इन्टरनेट र टिभी जोडे वापत नयाँ हिमस्टार टिभीमा ५१५ रुपैयाँसम्म छुट पाउन सक्ने बताइएको छ।
यसरी ग्राहकले ३२ इन्चको हिमस्टार एलईडी टिभी मात्र १२ हजार १२३ रुपैयाँ र ४३ इन्चको स्मार्ट टिभी २४ हजार ३३५ रुपैयाँ सम्मको मुल्यमा खरिद गर्न पाउनेछन्।
यसका साथै, भायाटिभीको आइएसपि पार्टनर भायानेट कम्युनिकेसन्सले पहिलो पटक इन्स्टलेसन गर्दा डुअल ब्यान्ड ओएनयु र सेट–टप–बक्समा छुट उपलब्ध गराउनुका साथै विशेष छुटमा एमआई राउटर वा नोकिया मेस बिकन १.१ राउटर मध्ये एउटा एक्स्ट्रा राउटर पनि लिन सक्ने विकल्प दिएको छ।
यो अफर नोभेम्बर २० मा सुरू हुने फुटबल विश्वकपको प्रतिक्षामा रहेका सबै फुटबल फ्यानहरूका लागि विशेष रहन सक्ने कम्पनीले बताएको छ।
कम्पनीका अनुसार भायाटिभी, नेपालको अग्रणी इन्टरनेट सेवा प्रदायकमध्येको एक भायानेट कम्युनिकेसन्सको आइ.पि.टि.भी. सेवा हो।
