भायानेट कम्युनिकेसनकी प्रमुख कार्यकारी अधिकृत (सिइओ) सेवा पाठक बोहरा 'एचआरएम लिडरसिप फिमेल अफ द इयर अवार्ड'बाट सम्मानित भएकी छन्।
नेपालको प्राविधिक क्षेत्रमा गरेको असाधारण नेतृत्व र योगदानको लागि उनलाई सम्मान गरिएको हो।
उनी देशको प्रविधि क्षेत्रमा नेतृत्व गर्ने पहिलो महिला मध्ये एक हुन्।
पाठक सन् २०१२ मा भायानेटको वित्त तथा सञ्चालन निर्देशकका रूपमा भायानेटमा आएकी कमपनीले बताएको छ।
सन् २०१८ मा कम्पनीको प्रमुख कार्यकारी अधिकृत बनेकी थिइन्।
उनको कार्यकालमा भायानेटले आफ्नो गुणस्तरीय इन्टरनेट र आइपिटिभी सेवाहरूको स्तरोन्नति गर्दै देशैभर द्रुत रूपमा विस्तार गरिरहेको छ।
एचआरएम अवार्ड कर्पोरेट क्षेत्रमा भएका विविध विधाका उत्कृष्टतालाई पुरष्कृत गर्ने उद्देश्यले सन् २०२१ मा स्थापना भएको वार्षिक पुरष्कार रहेको कम्पनीले बताएको छ।
