ओप्पोले उपभोक्ताका लागि आफ्नो सेल्फी एक्स्पर्ट ए¬३७ लाई कालो रंगमा उपलब्ध गराएको छ।
आफ्ना उपभोक्तालाई क्यामेरा फोन मार्फत पृथक अनुभव दिने सोचका साथ ओप्पो ए३७ कालो रंगमा उपलब्ध गराइएको कम्पनीले जनाएको छ।
फोनमा ५ ईन्च डिस्प्लेलाई २.५ डी कोरनिङ गोरिल्ला ग्लास ४को प्रयोग गरिएको छ। एन्ड्रोइड ५.१, कलर ओएस ३.० चिपसेट भएको यस फोनमा १.२ गिगाहर्जको क्वाडकोर प्रोसेसर समावेश गरिएको छ।
यस फोनमा ८ मेगापिक्सेलको रियर (पछाडिको) तथा ५ मेगापिक्सेलको सेल्फी क्यामेरा छ। फोनमा २ जीबी र्याम र ६४ बिट स्नापड्रागन क्वाडकोर प्रोसेसरको तथा १६ जीबी इन्टरनल मेमोरी रहेको छ।
२६३० एमएएचको ब्याट्री भएको यस फोनको मूल्य यस अघिकै १५ हजार ५ सय ९० रुपैंयाँ मूल्य कायम गरिएको कम्पनीले जनाएको छ।
