सोमबार सुनको मूल्य एक हजार रुपैयाँले बढेर ७३ हजार ५ सय पुगेको छ।
आइतबार प्रतितोला ७२ हजार ५ सयमा कारोबार भएको सुन सोमबार पुन: बढेको हो।
यो नेपाली बजारमा कायम भएको अहिलेसम्मकै उच्च मूल्य हो। आइतबारको नयाँ कीर्तिमान भंग गर्दै सुनको मूल्यले सोमबार नयाँ कीर्तिमान बनाएको हो।
अन्तर्राष्ट्रिय बजार सुनको मूल्य लगातार बढेका कारण नेपाली बजारमा पनि त्यसको असर देखिएको छ। अन्तर्राष्ट्रिय बजारमा भएको मूल्य वृद्धि हेर्दा सुनको मूल्य अझै बढ्ने देखिन्छ।
अहिले अन्तर्राष्ट्रिय बजारमा प्रतिऔंस सुनको मूल्य १५ सय ३० को आसपास छ। यो बढ्ने क्रम जारी छ।
सुनसँगै चाँदीको मूल्य पनि बढेको छ। आइतबार प्रतितोला ८ सय ५० मा कारोबार भएको चाँदी सोमबार १० रुपैयाँले बढेर ८ सय ६० पुगेको हो।
