नेपाल पर्यटन बोर्डका कर्मचारीहरु आन्दोलित भएका छन्। नेपाल पर्यटन बोर्ड कर्मचारी संगठन र नेपाल पर्यटन बोर्ड कर्मचारी युनियनले विभिन्न माग अघि सार्दै संयुक्त रुपमा आन्दोलनको घोषणा गरेका हुन्।
नेपाल सरकारले निर्णय गरेको तलब वृद्धि नेपाल पर्यटन बोर्डमा पनि लागू गर्न र मागहरू पूरा नभएसम्म सम्पूर्ण कर्मचारीहरुले ‘पेन डाउन’ गर्ने निर्णय भएको संयुक्त ट्रेड युनियनले बताएका छन्।
नेपाल पर्यटन बोर्डको त्रिभुवन अन्तर्राष्ट्रिय विमानस्थलस्थित बन्द भएको राजस्व कार्यलय तत्काल सुरू गर्नुपर्ने र पर्यटक सेवा शुल्कसम्बन्धी विवाद समाधन गर्न माग गरेका छन्।
यस्तै उनीहरूले बोर्डको चालु आर्थिक वर्ष २०७९/८० को आम्दानी प्रक्षेपण स्वभाविक, प्राकृतिक, यथार्थपरक र वस्तुपरक हुने गरी बजेट तर्जुमा गर्न पनि उनीहरुले माग गरेका छन्।
बोर्डको उद्देश्य अनुकूल विदेशी पर्यटकको आगमन वृद्धि गरी विदेशी मुद्रा भित्र्याइ सरकार र पर्यटन व्यासायीलाई सहयोग पुग्ने गरी अन्तर्राष्ट्रिय प्रवर्द्धनमा बजेट केन्द्रित गर्न समेत उनीहरुले माग गरेका छन्।
