चाइना साउथर्न एयरलाइन्सले आज (मंगलबार) बाट नेपालमा पुनः उडान सुरू गरेको छ।
एयरलाइन्सले ग्वाङझाउ–काठमाडौं–ग्वाङझाउ उडान थालेको हो। यससँगै एयरलाइन्सले अब हरेक मंगलबार सातामा एक उडान गर्ने नागरिक उड्डयन प्राधिकरणले जनाएको छ।
कोरोना माहामारीमा उक्त एयरलाइन्सले उडान बन्द गरेको थियो। चीन सरकारले कोरोनासम्बन्धी मापदण्ड केही खुकुलो पारेसँगै उक्त एयरलाइन्सले पुनः उडान थालेको हो।
यससँगै हाल एयर चाइना र हिमालय एयरलाइन्सले नेपाल–चीन–नेपाल उडान गरिरहेका छन्।
