बुद्ध एयरले नारी दिवसका अवसरमा महिला यात्रुहरूलाई महिला लेखकका विभिन्न विधाका पुस्तक उपहार दिएको छ।
बुद्धले सांग्रिला बुक्स तथा नेपाल रिपब्लिक मिडयासँगको सहकार्यमा महिला लेखकहरूद्वारा रचित विभिन्न विधाका तीन हजार पाँच सय पुस्तक यात्रुहरूलाई उपहार दिएको हो।
उपहारमा १७ जना महिला लेखकका उपन्यास, जीवनी, आत्मकथा, कविता तथा राजनीतिक विषयका आख्यान तथा गैर-आख्यानका पुस्तकहरू थिए।
'नेपाली महिला पढ्छन् पनि, उड्छन् पनि' नारासहित काठमाडौंसँगै विराटनगर, जनकपुर, नेपालगञ्ज, सुर्खेत र धनगढीबाट यात्रा गर्ने यात्रुहरूलाई पुस्तक उपहार दिएको कम्पनीले जनाएको छ।
