नेपाली कांग्रेसको केन्द्रीय कार्यालय सानेपामा सोमबार दिउँसो नेविसंघका दुई समुहबीच झडप भएको छ।
अनसन बसिरहेको पूर्वमहामन्त्री कृष्णप्रसाद सिटौला समुहका विद्यार्थी कुन्दनराज काफ्ले समुहमाथि सभापति शेरबहादुर देउवा पक्षका नेविसंघ विद्यार्थीले आक्रमण गरेका हुन्।
केन्द्रीय समिति बैठकमा भाग लिन सभापति पार्टी कार्यालय आएपछि विधान कार्यान्वयन माग गर्दै सिटौला समुहका विद्यार्थीले नाराबाजी गरेका थिए। त्यसलगत्तै अनसनरत विद्यार्थीमाथि देउवा समुहका विद्यार्थीले आक्रमण गरेको विद्यार्थी नेता मनिष सिंखडाले जानकारी दिए।
‘अनसनरत विद्यार्थीमाथि आक्रमण गरे। हाम्रा साथीहरू कमल पन्त र लक्ष्मी बोगटी घाइते हुनुहुन्छ। उहाँहरूलाई स्टार अस्पतालमा उपचारका लागि लगिएको छ,’ सिंखडाले सेतोपाटीसँग भने।
देउवा समुहका विद्यार्थी मनोज बैद्यलगायतले आक्रमण गरेको स्रोतको भनाइ छ। दुई पक्षबीच झडपमा इँटा र गमला हानाहान भएको थियो।
यो पनि:
पार्टी कार्यालयमा देउवा पुग्दा नेविसंघको हो-हल्ला
