राजविराजबाट काठमाडौं आउँदै गरेको बस धादिङको गजुरी ५ घारबेसीबाट त्रिशुली नदीमा खसेको छ।
ना ६ ख १४६७ नम्बरको बस सडकबाट नदीमा खसेको इलाका प्रहरी कार्यालय गजुरी धादिङका प्रहरी निरीक्षक बरुण सिंहले जानकारी दिए। उनका अनुसार बससहित २० जना नदीमा हराइरहेका छन् । अहिलेसम्म १ जनाको शव निकालिएकाे उनले बताए।
१५ जना घाइते भएका छन् ।
घाइतेहरुको उद्धार गरेर गजुरी अस्पतालमा भर्ना गरिएको छ। राजविराजबाट यात्रु लिएर आएको बस हेटौंडामा आएर अर्को बसमा यात्रु हालेर पठाइएको थियो।
बस र हराइरहेका यात्रु खोज्न प्रहरीले उद्धार कार्य गरिरहेको छ। मोडमा बस सडकबाट नदीमा खसेको हाे।
