गुल्मीको गुल्मीदरबार गाउँपालिका–४ यात्रुबाहक माइक्रो बस भिरबाट खस्दा तीन यात्रुको मृत्यु भएको छ भने ५ जना घाइते भएका छन्।
बुटवलबाट सदरमुकाम तम्घास जाँदै गरेको बा ४ ख ५५०१ नम्बरको माइक्रोबस दिउँसो सवा १ बजेतिर भिरबाट झण्डै २ सय मिटर तल खसेको थियो।
‘अहिलेसम्म तीन जनाको शव निकालेका छौं,’ घटनास्थलमा रहेका प्रहरी निरीक्षक डाक्टरप्रसाद चौधरीले भने, ‘घाइते पाँच जनालाई उपचारलाई पाल्पा पठाएका छौं, अरुको पनि छन् कि भनेर खोजी गर्दै छौं।’
उनले दुर्घटनाको कारण खुल्न नसकेको बताए।
