महानगरीय प्रहरी बृत चापागाउँका प्रमुख डिएसपी आभुषण तिमल्सिना महानगरीय प्रहरी कार्यालय रानीपोखरी मेट्रोमा तानिएको छ। सरुवा भएर गएको ३ महिनामा नै एआइजी जयबहादुर चन्दले डिएसपी तिमल्सिनालाई मेट्रोमा तानेका हुन् ।
डिएसपी तिमल्सिनालाई चापागाउँबाट मेट्रोमा तानिएको महानगरीय प्रहरी कार्यालय रानीपोखरीका प्रवक्ता पुर्णचन्द्र जोशीले जानकारी दिए।
'उहाँसँग केही बुझ्न हामीले मेट्रोमा बोलाएका हौं,' उनले भने। उनलाई तान्नुपर्ने कारण प्रहरीले बाहिर ल्याएको छैन् ।
चापागाउँमा डिएसपी तिमल्सिना गएपछि त्यहाँका क्रसर उद्योगहरु बन्द गराएका थिए। क्रसर व्यवसायीहरुले उनको सरुवा गरेको आशंका प्रहरीहरुले नै गरेका छन् ।
तिमल्सिना प्रहरी सेवाबाट अलग भएका नवराज सिलवालका निकट मानिन्छन् सिलवाललाई आइजी नबनाउदाँ उनी खुलेरै सिलवालको पक्षमा लागेका थिए।
सिलवाल ललितपुर क्षेत्र नम्बर १ बाट चुनाव उठ्दै छन्। तिमल्सिना ललितपुर क्षेत्र नम्बर १ कै क्षेत्रमा सुरक्षा दिने चापागाउँ बृतका प्रमुख हुन् । चुनावमा तिमल्सिनाले सिलवाललाई सहयोग गर्ने छाँटकाँट देखिएपछि एआइजी चन्दले उनलाई मेट्रोमा तानेको मेट्रोकै प्रहरी अधिकारी बताउँछन् ।
