मकवानपुर प्रहरीले ३५ हजार अमेरिकी डलरसहित एकजना भारतीय नागरिकलाई पक्राउ गरेको छ।
बिहीबार बिहान पौने ६ बजे इलाका प्रहरी कार्यालय पशुपतिनगरबाट खटिएको प्रहरी टोलीले हेटौडा-१५ रातोमाटेको प्रहरी चेकपोष्टमा ती भारतीयलाई पक्राउ गरेको हो।
काठमाडौंबाट वीरगंज जाँदै गरेको ना ६ ख ६२९१ को बसमा पुर्वी चम्पारण विहारका शेषनाथ प्रसादलाई डलरसहित पक्राउ गरिएको प्रहरीले जनाएको छ।
उनले जुत्ता भित्र डलर राखेका थिए।
पक्राउ परेका शेषनाथलाई थप अनुसन्धानका लागि काठमाडौं पठाइएको छ।
