भक्तपुरमा मिनी ट्रकको ठक्करबाट एक जनाको मृत्यु भएको छ।
भक्तपुर ५ दुइपोखरी बस्ने जगतकुमार श्रेष्ठको मृत्यु भएको भक्तपुरका डिएसपी कृष्ण प्रसाईले जानकारी दिए। विहान साढे ५ बजेतिर भक्तपुर चारदोबाटोमा बा २ क ८००६ नम्बरको मिनी ट्रकले उनलाई ठक्कर दिएको थियो।
श्रेष्ठलाई ठक्कर दिएपछि उपचारका लागि भक्तपुर अस्पताल लगिएको थियो।
अस्पतालले उनलाई बिहान ६ बजेर १२ मिनेटमा मृत घोषणा गरेको थियो। सवारी साधन र चालक जिल्ला काभ्रे सिसाखानी घर भई हाल जिल्ला भक्तपुर जगाती बस्ने बर्ष २९ को प्रेम मोक्तान महानगरीय प्रहरी वृत ठिमी भक्तपुरले नियन्त्रणमा लिएको छ।
