श्रीमतीको हत्या गरी फरार रहेका कास्की मादी गाउँपालिका–५ बयरघारीका ४३ वर्षीय एक बहादुर बिकलाई प्रहरीले पक्राउ गरेको छ।
घरयासी बिवाद पछि आईतबार साँझ श्रीमतीको हत्या गरी फरार बिकलाई प्रहरीले सोमबार पक्राउ गरेको पोखरा प्रहरी प्रमुख एसपी अशोक सिहंले बताए।
मदिरा सेवन गरेर बिकले ४६ वर्षीया गौमायाको हत्या गरेको एसपी सिंहले जानकारी दिए।
पक्राउ परेका बिकलाई प्रहरीले हिरासतमा राखेर आवश्यक कारबाही अघि बढाएको प्रहरीले जनाएको छ।
