सिन्धुपाल्चोकको बाह्रबिसेमा टिपर दुर्घटना हुँदा ३ जनाको मृत्यु भएको छ। तातोपानीबाट बाह्रबिसे बजारतर्फ आउँदै गरेको बा ४ ख २८१२ नम्बरको टिपर शुक्रबार बिहान दुर्घटना हुँदा तीन जनाको मृत्यु भएको जिल्ला प्रहरी कार्यालय सिन्धुपाल्चोकले जनाएको छ।
दुर्घटनामा परि बाह्रबिसे नगरपालिका– ८ का ३५ वर्षीय शेखर अधिकारी, ४० वर्षिय सुब्बा अधिकारी र २० वर्षिय कमल अधिकारीको घटनास्थलमै मृत्यु भएको प्रहरीले जनाएको छ ।
दुर्घटनामा परेको टिपर अरनिको राजमार्गबाट करिब ५० मिटर तल भोटेकोशी नदीमा खसेको प्रहरीले जनाएको छ।
