सिन्धुलीको कमलामाई नगरपालिका–२, सेल्फीडाँडामा जिप दुर्घटना हुँदा ४ जनाको मृत्यु भएको छ।
जिल्ला प्रहरी कार्यालय सिन्धुलीका अनुसार सेल्फीडाँडामा जिप दुर्घटना हुँदा ४ जनाको मृत्यु हुनुका साथै १७ यात्रु घाइते भएका छन्।
सदरमुकाम सिन्धुलीमाढीबाट तीनकन्या नाकाझोलीतर्फ जाँदै गरेको बा ११ च २२७५ नम्बरको जीप शुक्रबार बेलुका ५ बजे सडकबाट झण्डै ५० मिटर तल खसेर दुर्घटना भएको थियो।
दुर्घटनामा परी कमलामाई नगरपालिका-६ का ५८ वर्षीय लक्ष्मीप्रसाद देवकोटा, गोलन्जोर गाउँपालिका- ५ का २० वर्षीय रेशम कार्की, २२ वर्षीय युवराज लुङ्गेली मगर, १९ वर्षीय नवराज थापाको मृत्यु भएको छ। घाईतेको जिल्ला अस्पताल सिन्धुलीमा उपचार भईरहेको प्रहरीले जनाएको छ।
