दाङको तुलसीपुरमा एक युवक मृत फेला परेका छन् । तुलसीपुर उपमहानगरपालिका वडा नं. ९ दोघरेको सडक खण्ड नजिकै अन्दाजी १९-२० बर्ष जतिको युवक मृत अवस्थामा फेला परेको प्रहरीले जनाएको हो । ईलाका प्रहरी कार्यालय तुलसीपुरका प्रमुख प्रकाश सापकोटाका अनुसार शनिवार दिउँसो युवक सडक छेउमा मृत अवस्थामा फेला परेका हुन् । मृतक सनाखत हुन सकेको छैन ।
ती युवकले हरियो रङको जिन्स पाइन्ट, खरानी रङको भेस्ट, खुट्टामा बाटा चप्पल, साथमा कालो झोला र त्यसभित्र खाकी रङको पाइन्ट, सेतो धर्का भएको सर्ट फेला परेको प्रहरीले जानकारी दिएको छ । शव पोष्टमार्टमाका लागि राप्ती अञ्चल अस्पताल तुलसीपुरको शव गृहमा राखिएको छ ।
