उपत्यकामा ट्राफिक नियम उल्लंघन गरी सवारी साधन चलाउने १ हजार ६ सय ८४ जना सवारी चालकहरु आइतबार मात्र कारबाहीमा परेका छन्। महानगरीय टफिक प्रहरी महाशाखाका अनुसार आईतबार मात्र १६ सय चालक विभिन्न स्थानबाट कारबाहीमा परेका हुन्। ट्राफिक प्रहरीले उनीहरुलाई विभिन्न कसुरमा कारबाही गरेको जनाएको छ।
जसमा जथाभावी यात्रु चढाउने तथा ओराल्ने मात्रै ३५७ जना सवारी चालक छन्। यसैगरी लेन उल्लघंन गर्ने २७९ जना, सडक तथा फुटपाथमा पार्किङ गर्ने १३२ जना, मदिरा सेवन गरी सवारी साधन चलाउने ८७ जना, अनावश्यक हर्न बजाउने ३९ जना र सिटबेल्ट नबाँध्ने १४ जनालाई ट्राफिक प्रहरीले आईतबार कारबाही गरेको हो।
