पोखराको विजयपुरमा बम बिष्फोट भएको छ। विष्फोटमा परि समाचार संकलन गर्न गएका पत्रकार र प्रहरी घाइते भएका छन्।
अज्ञात समूहले राखेको बम डिष्पोजल गर्ने क्रममा विष्फोट भएको प्रहरीले जनाएको छ। बिष्फोट हुँदा समाचार संकलनका लागि गएका गण्डकी टेलिभिजनका संवाददाता घनश्याम पाण्डे र जिल्ला प्रहरी कार्यालय कास्कीका जवान कुल बहादुर खत्री घाइते भएको कास्की प्रहरी प्रमुख एसपी अशोक सिहंले बताए।
दुवैको घाँटीमा चोट लागेको छ। घाइतेलाई उपचारको लागि गण्डकी मेडिकल कलेज लगिएको प्रहरी कार्यालय एसपी सिंहले जानकारी दिए।
बम विप्लव माओवादीले राखेको हुनसक्ने प्रहरी अनुमान छ।
