काठमाडौंको पुतलीसडकस्थित सेयर मार्केट भवनमा सोमबार बिहान आगलागी भएको छ।
पौने १० बजेतिर भवनको पाँचौं तलामा रहेको एनआइएसी ल्यांग्वेज सेन्टरमा आगलागी भएको काठमाडौं प्रहरीले जनाएको छ। आगो नियन्त्रण गर्न महानगरपालिका र नेपाली सेनाका ४ दमकलले प्रयास गरिरहेका छन्।
'अहिलेसम्म कुनै मानवीय क्षतिको रिपोर्ट आएको छैन, आगलागी नियन्त्रणको प्रयास जारी छ,' महानगरीय प्रहरी वृत्त सिंहदरबारका प्रमुख डिएसपी अपिल बोहोराले भने।
भवनमा आगो लागेपछि सो क्षेत्र भएर चल्ने सवारी साधन डाइभर्ट गरिएको छ।
