रौतहटको कटहरिया नगरपालिका १ महादेवटोलमा एक जनाको हत्या भएको छ।
मंगलबार राति ९ बजे सोही ठाउँका जुगल महतोको घरमा लगेर एक समूहले स्थानीय ३० वर्षीय शिव मंगल महतोलाई कुटपिट गरी हत्या गरेको जिल्ला प्रहरी कार्यालय रौतहटले जनाएको छ।
हत्यामा संलग्न रहेको आशंकामा १ जनालाई नियन्त्रणमा लिएर अनुसन्धान भइरहेको इलाका प्रहरी कार्यालय कटहरियाले जनाएको छ।
हत्यामा संलग्न अन्य ब्यक्तिको खोजी भइरहेको प्रहरीले जनाएको छ। हत्याको कारण भने खुलेको छैन ।
