फरार अभियुक्त पक्राउ गर्न गएको प्रहरी टोलीमाथि बुधवार साँखुमा आक्रमण भएको छ।
साँखुमा केही युवाले प्रहरीमाथि आक्रमण गरेको महानगरीय प्रहरी परिसर काठमाडौंका एसएसपी विश्वराज पोखरेल बताए।
माघ २५ गते जोरपाटीमा एक युवतीमाथि जवर्जस्तीकरणीका अभियुक्त सुजन ऐरी लुकेर बसेको सूचनाको आधारमा प्रहरी पक्राउ गर्न पुग्दा प्रहरीमाथि आक्रमण भएको हो।
प्रहरी आएको थाहा पाउने बित्तिकै पदम स्याङबो लगायतको टोलीले अभियुक्त ऐरीलाई भगाएको र अवरोध सृजना गरेका थिए। युवाको अवरोधलाई प्रहरीले प्रतिकार गर्न खोज्दा सई रमेश राईलाई युवाले कुटपिट गरेका छन्। सई सामान्य घाइते भएका छन्।
प्रहरीमाथि आक्रमण गर्ने युवा पदम स्याङबोलाई नियन्त्रणमा लिई अनुसन्धान भइरहेको एसएपी पोखरेलले बताए। जोरपाटीका एक युवतीको जवर्जस्तीकरण गरी सुजन ऐरी फरार थिए।
