सरकारी कार्यालय तथा विभिन्न निजी संघसस्थाको कागजपत्र तथा छाप कीर्ते गर्ने एक जनालाई प्रहरीले पक्राउ गरेको छ।
महानगरीय अपराध अनुसन्धान महाशाखाबाट खटिएको टोलीले मकवानपुर हेटौंडा १७ स्थित रातमाटे घर भएका २४ वर्षीय कविर श्रेष्ठ भनिने उदय थिङलाई पक्राउ गरेको हो।
पक्राउ परेका थिङ कोटेश्वरमा संचालित डाक्टर हेल्थकेयर नाम मेडिकल पसल संचालक हुन्।
श्रेष्ठको साथबाट प्रहरीले समाज कल्याण परिषद् लैनचौरको लेटर प्याड, उदय सिंह नाम गरेको व्यक्तिको नामको यूएन अभजर्भर लेखिएको परिचयपत्र, परीक्षा नियन्त्रण कार्यालयको स्टाम्प लगायतका अन्य नक्कली कागजपत्र र छाप बरामद गरेको हो।
