चितवनको गंगलबाट एक क्वीन्टल अवैध गाँजा सहित २ जनालाई प्रहरीले पक्राउ गरेको छ। शनिबार राति राप्ती नगरपालिका-११ आँपपानी स्थित हरियाली सामुदायिक वनबाट सोही ठाँउका राजन तामाङ र कुमार तामाङलाई नियन्त्रण लिएको जिल्ला प्रहरी कार्यालय चितवनले जानकारी दिएको छ।
राति अटोमा लोड गरी सडकतर्फ ल्याउदै गरेका बेला उक्त गाँजा बरामद भएको प्रहरीले जनाएको छ। गाँजा सहित पक्राउ परेका भरिया भएको प्रहरीले बतायो। पक्राउ परेका दुबैजनालाई प्रहरी हिरासतमा राखि थप अनुसन्धान अघि बढाइएको छ।
