बैतडीको डिलासैनी गाउँपालिका ३ लुलचुडामा जिप दुर्घटना हुदा एक जनाको मृत्यु भएको छ। दुर्घटनामा परी ५ जना घाईते भएका छन्।
मंगलबार बिहान म १ ज २३३ नम्बरको जिप दुर्घटनामा पर्दा दार्चुलाको मर्म गाउँपालिका -३ का ३६ वर्षीय कृष्णसिंह बिष्टको मृत्यु भएको प्रहरीले जनाएको छ।
गम्भीर घाइते विष्टको उपचारको क्रममा प्राथमिक स्वास्थ्य केन्द्र गोकुलेश्वरमा मृत्यु भएको हो।
घाइतेमध्ये ४ जनाको सोही प्राथमिक स्वास्थ्य केन्द्रमा उपचार भइरहेको छ। अन्य एक जनालाई थप उपचारको लागि धनगढी ल्याइएको प्रहरीले जनाएको छ।
