प्रहरीले गोगंवुको एक जुवा खालबाट २ प्रहरीसहित ७ जुवाडेलाई पक्राउ गरेको छ। महानगरीय प्रहरी प्रभाव गोगंवुबाट खटिएको प्रहरी टोलीले गोंगबु मित्रनगरस्थित कालो बंगुरको सेकुवा घरबाट ७ जना जुवाडेलाई पक्राउ गरेको हो।
पक्राउ परेका मध्ये २ जना प्रहरीनै रहेको महानगरीय प्रहरी परिसर काठमाडौंले जनाएको छ।
महानगरीय प्रहरी परिसर काठमाडौंका अनुसार जुवा खालबाट शैलेन्द्र खड्का, संजय कुमार तामाङ, अरुण कुमार महर्जन, अनिल गुरुङ, विष्णु श्रेष्ठ, सुरज थापा र इन्द्र थापा रहेका छन्।
पक्राउ परेका सुरज थापा नेपाल प्रहरी हवल्दार हुन् भने, इन्द्र थापा प्रहरी जवान हुन् उनीहरू दुबैजना महानगरीय अपराध महाशाखामा कार्यरत थिए।
पक्राउ परेका प्रहरीलाई निलम्बनको तयारी भईरहेको परिसर काठमाडौंले जनाएको छ।
प्रहरीले जुवा खालबाट १ लाख ४७ हजार १ सय नगद रूपैया बरामद गरेको जनाएको छ। जुवा खेलाउने अर्जुन ठकुरी फरार रहेको र उनको खोजी भईरहेको प्रहरीले जनाएको छ।
यसैबीच प्रहरीले चन्द्रागिरी नगरपालिका ८ ट्याक्सीबाट पनि प्रहरीले १८ जुवाडेलाई पक्राउ गरेको छ।
ढाक्सीस्थित हिरा कृष्ण साई, ध्रुव श्रेष्ठ र मेनुका श्रेष्ठले सञ्चालक गरेको ग्रिनहिल रिसोर्टको भित्र खेलाउँदै गरेको जुवा खालबाट प्रहरीले तीन लाख ६८ हजार पाँच यस पन्ध्र रुपैया बरामद गरेको छ।
