प्रहरीले नक्कली डिएसपी बनेर ठगी गरेको आरोपमा एक जनालाई पक्राउ गरेको छ।
जिल्ला महोत्तरी महोत्तरी गाउपालिका वडा नम्बर २ घर भई हाल का.जि.का.म.न.पा. मैतिदेवी बस्ने आनन्द कुमार मण्डललाई पक्राउ गरेको हो।
प्रहरी प्रधान कार्यालयको डिएसपीसँग कुरा गरी सेटिङ मिलाएर विदेश मिसनमा पठाइदिन्छु भन्दै प्रलोभनमा पारी ठगी गरेको आरोपमा उनलाई पक्राउ गरिएको हो।
मण्डलले आफू डीएसपी नारायण श्रेष्ठ हो भनी परिचय गराई महोत्तरीकै मनराकट्टीका प्रकाशकुमार सिंहसँग मिलेर ठगी गरेका हुन्।
उक्त ठगीमा संलग्न प्रकाश कुमार सिंह भने फरार छन्।
उनीहरूले २ जना बहालवाला प्रहरी कर्मचारीसँग पटक - पटक गरी ४ लाख लिएको अनुसन्धानबाट खुल्न आएको प्रहरीले बताएको छ।
