डाक्टर गोविन्द केसीलाई बोकेर जुम्लाबाट आएको हेलिकप्टर तेल भर्न सुर्खेतमा रोकिएको छ।
सुर्खेत विमानस्थलमा अहिले तेल भर्ने काम भइरहेको छ।
तेल भरिसकेपछि केहीबेरमा हेलिकप्टर काठमाडौं उड्ने कर्णालीका मुख्यमन्त्री महेन्द्रबहादुर शाहीले जानकारी दिए।
उनी सोही हेलिकप्टरमा जुम्लाबाट सुर्खेत आएका हुन्।
मुख्यमन्त्री शाही भने काठमाडौं नजाने भएका छन्।
यसअघि जुम्लाको कर्णाली स्वास्थ्य विज्ञान प्रतिष्ठानमा अनसन बसेका केसीलाई काठमाडौं ल्याउन प्रदेश सरकारका तर्फबाट मुख्यमन्त्री शाही र आन्तरिक मामिला मन्त्री नरेश भण्डारी जुम्ला पुगेका थिए।
